Qeveria e Shqipërisë vendosi që e diela e 2 nëntorit te shpalle Zi Kombëtare, në nderim të Fatos Nanos, pas ndarjes nga jeta të ish-Kryeministrit dhe një prej figurave më të rëndësishme të politikës shqiptare.
Në respekt të kontributit të tij të çmuar në jetën publike dhe politike të vendit, do të zhvillohet ceremonia funebre shtetërore dhe Homazhet Kombëtare për të ndjerin, ndërsa flamuri do të ulet në gjysmë shtizë në të gjitha institucionet.
Homazhet Kombëtare do të organizohen ditën e dielë, nga ora 8:30 deri në orën 11:00, në mjediset e Pallatit të Kongreseve. Ceremonia funebre shtetërore e lamtumirës do të organizohet të njëjtën ditë në orën 12:05, në mjediset e Pallatit të Kongreseve.