Moderatorja dhe ish-banorja e “Big Brother VIP Albania”, Efi Dhedhes, ka shqetësuar fansat me postimin e saj më të fundit në Instagram. Ajo ka ndarë një foto ku shfaqet e shtrirë në spital, e veshur me uniformën e pacientëve dhe me një buzëqeshje të zbehtë në fytyrë. Mbi foto ka shkruar vetëm një fjali të shkurtër, por mjaft domethënëse:
“Mirëmëngjes edhe kështu…”
Postimi i saj ka bërë menjëherë xhiron e rrjeteve sociale, duke ngritur shumë pikëpyetje për gjendjen shëndetësore të Efit. A është fjala për një problem shëndetësor serioz apo ndoshta për një ndërhyrje estetike? Deri më tani, Efi nuk ka dhënë asnjë sqarim publik, duke lënë gjithçka në mister.
Vetëm pak ditë më parë, ajo kishte ndarë me ndjekësit video nga rutina e saj e përditshme dhe dukej në formë të shkëlqyer. Kjo e bën edhe më të papritur shfaqjen e saj nga ambientet spitalore.
Komentet poshtë postimit janë mbushur me urime për shërim të shpejtë dhe shqetësim nga fansat:
“Uroj të jetë diçka e vogël, shërohesh shpejt Efi!”
Në mungesë të një reagimi zyrtar nga vetë ajo, ndjekësit vijojnë të pyesin në rrjete sociale për gjendjen e saj aktuale. E vetmja gjë që dihet me siguri është se Efi, edhe në situata të tilla, nuk humbet humorin dhe mbetet po aq e afërt me publikun e saj.