Rrjeti televiziv amerikan ABC ka pezulluar pa afat emisionin e njohur “Jimmy Kimmel Live!”, pas komenteve të bëra nga prezantuesi gjatë kësaj jave për vdekjen e aktivistit dhe influencuesit konservator Charlie Kirk.
Vendimi për ndërprerjen e emisionit u bë publik mbrëmjen e së mërkurës, kur “Jimmy Kimmel Live!” nuk u transmetua sipas zakonit, dhe rrjeti konfirmoi më pas se shfaqja është pezulluar “për një kohë të pacaktuar.”
Para këtij vendimi, Brendan Carr, kryetari i Komisionit Federal të Komunikimeve (FCC), kërkoi publikisht që Jimmy Kimmel të pezullohej, duke e cilësuar reagimin e tij si të papranueshëm.
Zëdhënësi i rrjetit ABC, në një deklaratë të shkurtër, konfirmoi pezullimin pa dhënë më shumë detaje për kohëzgjatjen apo arsyetimin konkret.
Jimmy Kimmel, winner of the Outstanding Host for a Game Show Award for “Who Wants to Be a Millionaire”, attends the 2025 Creative Arts Emmy Awards at Peacock Theater on September 07, 2025 in Los Angeles, California. Kevin Winter/Getty Images
Nga ana tjetër, sindikatat që përfaqësojnë profesionistët e industrisë së argëtimit dhe skenaristët televizivë kanë reaguar me shqetësim, duke dënuar vendimin si një akt që prek lirinë artistike dhe fjalën e lirë në media.
Kujtojmë që ABC dhe ABC News janë në pronësi të The Walt Disney Company, e cila ka qenë nën vëmendjen publike edhe më parë për vendime të ndjeshme politike dhe sociale në përmbajtjen televizive.