Krahas Lulus dhe projekteve të zgjerimit të kompanisë Luana nuk harron të bëjë edhe bashkëpunime të tjera.Luana Vjollca duket se po shijon në maksimum qëndrimin e saj në Dubai, aty ku nuk kanë munguar ftesat nga disa prej emrave më prestigjiozë në botën e luksit dhe estetikës.
Moderatorja dhe artistja shqiptare ka ndarë me ndjekësit momente nga vizitat e saj ekskluzive, duke zbuluar se është ftuar nga marka e njohur franceze e bizhuterive luksoze Messika, e famshme për diamantet e saj të rafinuara dhe klientelën VIP nga e gjithë bota.
Por kjo nuk është e gjitha. Një tjetër ndalesë që ka tërhequr vëmendje ka qenë vizita në një nga klinikat dentare më elitare në nivel global, e njohur për shërbimet ultra-luksoze dhe për faktin se mirëpret figura të njohura ndërkombëtare, nga yje të Hollywood-it deri te emra të mëdhenj të biznesit.
Mes shkëlqimit të diamanteve, luksit arab dhe eksperiencave premium, Luana ka treguar edhe një herë stilin e saj glamuroz, duke e kthyer çdo dalje në një moment që komentohet në rrjet.
Dubai, qyteti i luksit pa limite, duket se i shkon më së miri Luanës — dhe nga ajo që po shohim, kjo është vetëm një pjesë e vogël e surprizave që ajo ka përjetuar atje. Fansat tashmë janë kuriozë të dinë: çfarë do të zbulojë më pas?