Shqipëria, vendi i diellit, detit dhe historisë antike, ishte krenare për një nga pasuritë më të rralla natyrore në botë: ullirin e Matkës në Vlorë, i cili sipas ekspertëve mendohej të ishte rreth 4000 vjeç – një nga më të vjetrit në planet. Por kjo thesar natyror i rezistoi shekujve, perandorive dhe motit, por nuk i mbijetoi njeriut.
Ulliri i Matkës nuk ishte thjesht një pemë ,ai ishte dëshmitar i historisë shqiptare, që kishte rrënjë në kohëra kur ende nuk ekzistonte as Shqipëria si shtet.
Gazetari dhe publicisti i njohur Blendi Fevziu, gjatë një vizite në zonën e Tuajanit (pranë Shëngjergjit), dokumentoi nga afër një tjetër mrekulli natyrore të harruar: një grup prej rreth 7 ullinjsh “kokërr zi”, të cilët sipas banorëve dhe specialistëve, kanë një moshë që varion nga 3200 deri në 3800 vjet.
Ullinjtë janë masivë, me trungje të shformuar nga koha, të heshtur por madhështorë. Janë pemë që nuk ndodhen as në muze, as në katalogë zyrtarë, por qëndrojnë të vetëm nëpër malësi, duke mbajtur me vete histori që askush nuk i ka shkruar.
Videon e plote e gjeni me poshte: