Një studim i fundit ka ngritur shqetësime për konsumimin e shpeshtë të pijeve në temperatura shumë të larta, veçanërisht çajit dhe kafesë. Sipas studiuesve, nxehtësia e tepërt mund të irritojë dhe dëmtojë vazhdimisht mukozën e ezofagut, duke u lidhur me një rrezik më të lartë për kancerin e këtij organi.
Ekspertët këshillojnë që pijet e nxehta të lihen për disa minuta para se të konsumohen. Pra, nuk është vetë kafeja apo çaji domosdoshmërisht problemi, por temperatura shumë e lartë në të cilën pihen.