Olta Gixhari i jep fund eksperiencës së saj në “Big Brother VIP Kosova” pas dy edicionesh radhazi si opinioniste, por largimi nga reality show nuk nënkupton aspak largim nga ekrani.
Aktorja ka marrë një tjetër angazhim të rëndësishëm televiziv. Top Channel ka konfirmuar se Olta Gixhari do të jetë në drejtimin e “Fiks Fare”, ku do të jetë krah Dorian Ramaliut.
Lajmi është bërë zyrtar nga televizioni, duke prezantuar dyshen e re që do të drejtojë një prej formateve më jetëgjata të Top Channel. Një ndryshim ky që shënon një kapitull të ri në karrierën televizive të Oltës.
Gjatë dy viteve të fundit, ajo ishte një prej figurave më të komentuar në panelin e “Big Brother VIP Kosova”, fillimisht në edicionin e tretë përkrah Milaim Zekës dhe më pas në sezonin e katërt krah Leonora Jakupit.
Tashmë, Olta ndryshon ekran, format dhe rol. Nga opinioniste e një reality show-je, ajo kalon në drejtimin e një programi investigativ, duke bërë që rikthimi i saj në Top Channel të jetë një nga lëvizjet më të komentuara televizive
