Në një grabitje spektakolare që ka tronditur botën e artit dhe ikoneve historike, një grup hajdutësh arritën të vjedhin tetë bizhuteri me vlerë të pallogaritshme nga Galeria Apollo brenda Muzeut të Luvrit në Paris.
Objektivi kryesor i hajdutëve ishte korona mbretërore e Perandoresha Eugénie, bashkëshortes së Napoleoni III një copëz arti e zbukuruar me mijëra diamante dhe smeralde. Megjithatë, ata u detyruan ta lanin mënjanë kur rojet ndërhynë në kohë.
Mes bizhuterive të vjedhura janë:
- Diademë me 212 perla dhe rreth 3,000 diamante.
- Hark dekorativ me mbi 2,400 diamante.
- Set bizhuterish safiri e diamant – përfshirë diademën me 24 safirë Cejlonë dhe 1,083 diamante.
- Gjerdan me 32 smeralde dhe 1,138 diamante, dhuratë martesore e Napoleoncit për gruan e tij të dytë.
Autoritetet franceze të kulturës kanë cilësuar këtë humbje si “një goditje e rëndë për trashëgiminë kulturore”. Hetimet janë në zhvillim dhe muzeu ka shtuar ndjeshëm masat e sigurisë.
Rasti ngre pikëpyetje serioze mbi sigurinë e koleksioneve kulturore të nivelit botëror dhe kujton se edhe në vendet më të mbrojtura, thyerjet e sigurisë mund të sjellin humbje të pamendueshme.