Në mëngjesin e të hënën rreth orës 01:00 Top Channel u sulmua nga një atentat terrorist, ku mbeti i vdekur roja i sigurisë. Që nga momenti i atentatit deri më tani policia është duke punuar për të zbardhur ngjarjen dhe për të gjetur autorët.
Përveç punës së policisë është vënë në dispozicion edhe shifra 100.000 euro për të gjithë personat që do ndihmojnë policinë në gjetjen e autorit.
Në një intervistë për “Shqipëria Live” është prononcuar edhe pronari i makinës Range Rover, makinë me të cilën u krye atentati.
Pronari tregoi që makinën ja kishin vjedhur ne Tale të Lezhës në Korrik të 2020, kur ai ishte duke bërë pushime me familjen. Deri në momentin pas atentatit pronari nuk kishte mundur që të zbulonte asnjë pistë për autorët e vjedhjes së makinës.
Ndërkohë policia po punon maksimalisht për të zbardhur të vërtetën rreth atentatit kundrejt Top Channel.
Burimi i artikullit: https://www.youtube.com/watch?v=7WV5UFWmiI0
Burimi i fotos: https://www.facebook.com/topchannel/photos/10160309607908151