Shefi i NATO vlerësoi rolin që po luan Shqipëria në Aleancë duke e konsideruar atë një aleate të çmuar.
Gjatë fjalës së tij, Rutte vuri në dukje rëndësinë e investimeve që Shqipëria po bën në industrinë e mbrojtjes, si dhe rolin e drejtpërdrejtë të saj në ndihmë të Ukrainës dhe në misionet paqeruajtëse në disa shtete.
“Shqipëria është aleate e palëkundur, ajo do arrijë 2% e Prodhimit të Brendshëm Bruto të shpenzimeve ushtarake. Na duhet një bazë më ë fortë industriale e NATO. Ju po ndihmoni shumë edhe për Ukrainën. Ju po bëni shumë sa i përket ndihmës për Ukrainën. Dhe jashtë Shqipërisë, jeni pjesë e forcave tokësore në Letoni dhe Bullgari. Jeni aktivë në Kosovë përmes KFOR-it. Pra, po jepni një kontribut shumë më të madh se sa madhësia juaj.
Dhe jeni mjaft i gjatë. Por megjithatë, Shqipëria nuk është aleati më i madh, por po bën shumë. Dhe prandaj, unë dua sinqerisht t’ju falënderoj që jeni një aleat kaq i fortë. Ne e dimë që NATO mund të mbështetet gjithmonë te Shqipëria.
Dhe ju e dini që Shqipëria mund të mbështetet gjithmonë te NATO. Kështu që edhe njëherë, faleminderit që erdhët për vizitë. Faleminderit që jeni një mik kaq i ngushtë personal. Dhe faleminderit për gjithçka që po bëni për NATO-n”, theksoi Rutte.