Le ta pranojmë: sa shumë na pëlqen të udhëtojmë, po aq shumë na streson paketimi. Herë mbingarkohemi me rroba “për çdo rast”, herë harrojmë gjërat më bazike… dhe zakonisht valixhja nuk mbyllet dot pa ndihmën e gjurit!
Paketoni për “çdo skenar të mundshëm”
Nga fustanet e mbrëmjes te rrobat për ecje në natyrë apo palltot sikur po shkoni në Polin e Veriut, e kemi bërë të gjithë.
Zgjidhja: Krijoni veshje të kombinuara për çdo ditë dhe qëndroni te bazat. Më pak është më elegante dhe më praktike!
Injoroni motin
Shkuat në Romë me sandale… dhe ju zuri shiu gjithë javën? Ndodh.
Zgjidhja: Kontrolloni parashikimin e motit 1-2 ditë para udhëtimit dhe përgatituni me veshje me shtresa, shall, xhaketë të hollë ose mushama.
Merrni këpucë të gabuara (ose të reja!)
Ato takat që i keni mbajtur njëherë dhe nuk do t’i vishni më kurrë? Qëndrojnë në fund të valixhes dhe s’e meritojnë vendin.
Zgjidhja: Merrni këpucë që i keni provuar, janë të rehatshme dhe mund t’i vishni të paktën dy herë gjatë udhëtimit.
Nga suveniret, tek aksesorët lokalë, diçka do të sillni patjetër me vete.
Zgjidhja: Lini hapësirë të lirë ose merrni një çantë shtesë të palosshme për kthim. Të paktën mos e luani më Tetris në aeroport!
Kozmetikë e shpërndarë, karikues të ngatërruar, bizhuteri që humbin…
Zgjidhja: Organizoni gjithçka në qese të vogla sipas kategorive: teknologji, kozmetikë, aksesorë. Do t’ju shpëtojë nga shumë stres.
Këshilla bonus? Mos u mundoni të paketoni jetën në një valixhe.
Nëse harroni diçka, s’ka problem, pjesë e udhëtimit është dhe spontaneiteti.
Dhe po, merrni një shall flokësh. S’dihet kurrë kur ju duhet!