Mc Kresha dhe Lyrical Son, PINT-at e njohur të skenës , kanë arritur një sukses të jashtëzakonshëm në industrinë muzikore shqiptare gjatë vitit 2025. Të cilësuar të preferuarit e audiencës hip-hop dashëse shqiptare, PINT-at kane publikuar edhe albumin e tyre te fundit “Salihi x Ferizi”.
Tashmë “Kresha” dhe “Lyrical-i” e kanë lënë gjurmën e tyre në industrinë muzikore shqiptare, por cilat janë “perlat” që na dhuruan këtë vit dhe çfarë pritet në vazhdim?
“Chillavert” – Bashkëpunimi që ngre nivelin
Në fund të janarit 2025, Mc Kresha dhe Lyrical Son publikuan këngën “Chillavert”, e cila u prit me entuziazëm të madh nga fansat. Kënga, e prodhuar nga Choisez dhe me videoklip të realizuar nga Valon Aziri, ofron një kombinim unik të stilit të dy artistëve, duke krijuar një atmosferë energjike dhe emocionuese. Teksti i këngës është një rrëfim i jetës së përditshme, me referenca të ndryshme kulturore dhe sociale.
“Fllad i verës” – Ritmi i verës 2025
Në prill të vitit 2025, Mc Kresha, Lyrical Son dhe Dhurata Dora publikuan këngën “Fllad i verës”. Kënga është një bashkëpunim i suksesshëm që sjell një atmosferë verore dhe ritme të këndshme. Rikujtojmë se dyshja e reperëve dhe këngëtarja kanë “qëlluar” edhe më parë në shenje.
Bashkëpunimi i pritur me DJ Dagz dhe DJ PM
Pas suksesit të këngëve të mëparshme, Mc Kresha dhe Lyrical Son janë në prodhim e sipër të një bashkëpunimi të ri me DJ Dagz dhe DJ PM. Ky projekt pritet të sjellë një rrymë të re muzikore, duke kombinuar elemente të hip-hop-it me ritme elektronike. Detajet për këtë bashkëpunim ende nuk janë zbuluar, por fansat janë në pritje të një tjetër suksesi të mundshëm.