Policia e Kosovës ka kërkuar ndihmën e qytetarëve për të gjetur vendndodhjen e këngëtarit dhe i ka ftuar ata që të ofrojnë çdo informacion që mund të ndihmojë në kapjen e tij. Megjithatë, Noizy ka një koncert të planifikuar nesër në një klub në Sarandë, ku pritet të performojë për fansat e tij.
Prokuroria e Kosovës ka njoftuar Top Channel se ka shpallur në kërkim këngëtarin e njohur Rigles Rajku, i cili është i njohur me emrin e artit Noizy. Këngëtari është nën hetim për akuzat lidhur me dhunë dhe dyshohet për shkaktimin e lëndimeve trupore.
Policia e Kosovës – Drejtoria Rajonale e Policisë në Pejë, bazuar në ligj për publikimin e fotos me shënime tjera të personit të kërkuar më autorizimin e Prokurorisë themelore nё Pejё, me qëllim lokalizimin dhe rrjedhimisht arrestimin e tyre, lëshon: Kërkesë për bashkëpunim me qytetarët. Personat e kërkuar janë: Rigels (Bashkim) RAJKU i lindur me 27.09.1986 nё Durrёs-Shqipёri dhe Bahtjar (Shasivar) BAJRAKTARI i lindur me 22.05.1992 nё Samadrexhё-Prizren. Tё pandehurit kërkohen për veprën penale: ‘ Lёndim i rёndё trupor’. Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personave të dyshuar në fotot e bashkangjitura, të lajmërojë Policinë e Kosovës apo të lajmërohet në stacionin më të afërt policor. Numrat e telefonit dhe adresat elektronike kontaktuese për të kontaktuar Policinë e Kosovës: 192 dhe 080019999 (pa pagesë) ; 039 432 327-Drejtoria Rajonale Pejë; E-mail adresa: [email protected]/TopChannel
Burimi i artikullit: https://www.topalbaniaradio.com/v7/flete-arresti-per-noizy-n-policia-e-kosoves-kerkon-ndihmen-e-qytetareve-per-kapjen-e-tij/
Burimi i fotos: https://www.instagram.com/p/CrTTo04IP88/