Sipas Celebrity Net Worth, në vitin 2024 këngëtarja ndërkombëtare Bebe Rexha ka një pasuri neto rreth 8 milionë dollarë (7.4 milionë euro). Rexha filloi karrierën e saj solo në vitin 2013 me kontratë me Warner Bros. Para se të bëhej këngëtare, ajo shkroi këngët “GloWing” për Selena Gomez dhe “The Monster” për Eminem dhe Rihanna, kënga e fundit nga albumi The Marshall Mathers LP 2. Ajo ka shkruar gjithashtu për artistë të tjerë si Pitbull, David Guetta, Bella Thorne, Iggy Azalea dhe Nick Jonas.
Kënga e saj e parë, “I Can’t Stop Drinking About You”, u publikua më 21 mars 2014 dhe arriti në vendin e 22-të në top lista, duke e ndihmuar Rexhën të publikojë EP-në e saj debutuese, I Don’t Wanna Grow Up, në 2015. Në vitin 2017, ajo nxori dokumentarin Bebe Rexha: The Ride, që u shfaq premierë në MTV.
Në vitin 2018, Rexha publikoi albumin e saj të parë, Expectations, dhe u nominua për “Artistja Më e Mire e Re” në Çmimin e 61-të të Grammy. Ajo ka bashkëpunuar me artistë të famshëm si Nicki Minaj në këngën “No Broken Hearts”, Louis Tomlinson në “Back to You” dhe Lil Wayne në “The Way I Are (Dance With Somebody)”. Një nga hitet më të mëdha të saj, “Me, Myself & I” me G-Eazy, arriti në vendin e 7 në Billboard Hot 100 dhe në vendin e parë në tabelën e këngëve pop amerikane.
Burimi i fotos: