Kanë kaluar dy muaj që nga ndarja tragjike nga jeta e bashkëshortes së Agron Llakajt, Kostandinës, pas një sëmundje të gjatë. Ky moment ka prekur thellë Agronin dhe të gjithë ndjekësit e tij. Sot, Agron Llakaj ka ndarë një dedikim prekës në rrjetet sociale, duke shprehur dhimbjen dhe mungesën e madhe që ndjen.
“Sot 2 muaj pa Ty!
Ditët kalojnë, por mungesa jote, Kostandina, vazhdon të më pushtojë. Jeta duket e pakuptimtë pa ty. Çdo ditë dhe javë që kalon, ushqej shpresën se do të kthehesh. Ec rrugëve dhe më duket sikur do të shfaqesh papritur. Hapat e kalimtarëve më kujtojnë hapat e tua, dhe shpesh kthej kokën instinktivisht, por gjithmonë jam vetëm.
Në kafenenë tonë, porosis gjithmonë dy kafe, ndërsa në shtëpi çdo zhurmë më bën të mendoj se mund të jesh ti. Më mungon e qeshura jote, zëri yt në telefon që më këshillon dhe kujdeset për mua. Ditët kalojnë, por unë të pres Ty, si Hachiko në pritje deri në amshim, duke ndjerë mungesën tënde në çdo vend.”
Burimi i artikullit: https://www.instagram.com/p/C9y6iJUN8tb/?utm_source=ig_embed&ig_rid=01e01af3-832c-45e2-bcb8-9925dd543b43
Burimi i fotos: https://www.instagram.com/p/C7YIiQgIebs/