Komisioni i Etikës dhe Disiplinës në UEFA ka gjobitur Federatën Shqiptare të Futbollit me 37,375 euro për incidentet që ndodhën gjatë ndeshjes kundër Italisë më 15 qershor 2024 në Dortmund, në kuadër të Kampionatit Europian “Gjermani 2024”. Gjobitja erdhi si pasojë e sjelljes së disa tifozëve shqiptarë, të cilët ndezën flakadanë, hodhën sende në fushë, shfaqën mesazhe të papërshtatshme dhe ndërprenë ndeshjen gjatë pjesës së dytë.
Federata Shqiptare e Futbollit bën thirrje për mbështetje qytetare dhe të përgjegjshme ndaj Kombëtares shqiptare gjatë EURO 2024, duke respektuar rregullat dhe kundërshtarët me sjellje korrekte.
Vendimet e plota të Komisionit të Etikës dhe Disiplinës në UEFA:
Të gjobisë Federatën Shqiptare të Futbollit me 10.000 euro për ndezjen e fishekzjarreve.
Të gjobisë Federatën Shqiptare të Futbollit me 12,375 euro për hedhjen e sendeve.
Të gjobisë Federatën Shqiptare të Futbollit me 5000 euro për pushtimin e fushës.
Të gjobisë Federatën Shqiptare të Futbollit me 10.000 euro për transmetim e mesazheve të papërshtatshme për një ngjarje sportive.
Gjobat e mësipërme në vlerë të përgjithshme prej 37,375€ duhet të derdhen në llogarinë bankare te UEFA-s brenda 90 ditëve nga komunikimi i këtij vendimi.
Burimi i artikullit: https://www.indiatoday.in/sports/football/story/euro-2024-uefa-starts-disciplinary-proceedings-against-albania-over-pitch-invasion-2553976-2024-06-16
Burimi i fotos: https://www.instagram.com/p/C7waWk7i5ZJ/