Ervin Gonxhi, kompozitori i njohur, ka shfaqur një pasion të palëkundur për muzikën që ka nisur që në fëmijëri. Në një intervistë të fundit per ”Faber Media”, ai zbulon rrënjët e këtij pasioni dhe shpjegon sfidat dhe suksesin në karrierën e tij të muzikës.
Nëse ka diçka që e karakterizon Gonxhin, është dashuria e tij për kompozimin që i është shfaqur që në moshë të re. “E kam pasur që i vogël, gjithmonë ëndërroja të isha kompozitor, të krijoja krijmtaritë e mia, të nxirrja në pah çdo emocion timin muzikal,” tha ai me entuziazëm. Ky pasion i pakompromis është bërë pjesë e rrugëtimit të tij në botën e muzikës.
Kur u pyet për sfidat në karrierën e tij, Gonxhi refuzoi ta quante ndonjë prej tyre si sfidë. “Të jem i sinqertë vallaj nuk kam pas ndonjëherë sfida. S‘i kam përjetuar ndonjëherë këto gjëra. Kam qënë gjithmonë e bëjmë, e bëjmë. Nuk kam menduar që kam sfidë. Eci, eci; s’eci s’eci,” thotë ai me një bindje të theksuar.
Për sa i përket suksesit të tij në muzikë, Gonxhi modestisht pranon se disa prej krijimeve të tij kanë arritur të jenë të dëgjuara në mënyrë të gjerë. “Tani jo të gjitha janë hite, por janë të dëgjuara. Disa nga produksionet e viteve dmth edhe në vazhdimësi të jenë këngë të mira të dëgjuara fatmirësisht,” thotë ai me modesti.
Ndërsa fliste për ndikimin në karrierën e tij, Gonxhi falënderon rrethin e tij të punës që ka qenë një shtysë e madhe. “Fatmirësisht, që i vogël e kam pasur rrethin e mirë të punës, kemi pasur shtyrje për njëri tjetrin për të ecur, për të prodhuar, edhe kjo ka qënë një shtysë nga rrethi që kam pas,” shpjegon ai.
Megjithëse e ka ndjekur me pasion karrierën e tij në muzikë, ëndrra më e madhe e Ervin Gonxhit është të krijojë një jetë familjare të lumtur dhe të qetë. “Endrra ime më e madhe është të kem 5 fëmijë. Të kem një jetë më të mirë familjare, më të lumtur, me begati dhe të jetoj në paqen time, jo në rrugën e artit,” thotë ai duke treguar një anë të ndryshme të personalitetit të tij jashtë skenës muzikore.
Ervin Gonxhi, një figure e rëndësishme në skenën muzikore, po tregon se pasioni, puna e palodhur dhe vullneti për të ndryshuar dhe për të krijuar janë çelësat e suksesit të tij, duke shfaqur një vizion të qartë për të ardhmen, jo vetëm në muzikë, por edhe në jetën personale.
Burimi i fotos:https://www.instagram.com/p/Cze2RJJt5Ao/