Një pamje e jashtëzakonshme ka emocionuar New York-un në prag të 25-vjetorit të sulmeve të 11 Shtatorit. Dronët rikrijuan siluetën e Kullave Binjake mbi New York Harbor, në një homazh për mijëra viktimat e tragjedisë.
Mes historive që e bëjnë këtë moment edhe më prekës është ajo e James Smith, ish-oficerit të NYPD-së, bashkëshortja e të cilit, Moira Smith, gjithashtu oficere policie, humbi jetën gjatë sulmeve të 11 Shtatorit.
Kullat u shfaqën sërish në qiell, 25 vite më vonë, si një kujtim i fuqishëm i atyre që humbën jetën dhe i një dite që ndryshoi përgjithmonë historinë.
Një simbol i së kaluarës u rikrijua në qiell, por për familjet e viktimave, kujtimet e 11 Shtatorit mbeten ende të gjalla.