OKB-ja ka mbështetur një rezolutë që propozon përdorimin e hartës “Equal Earth”, e cila synon të paraqesë më saktë përmasat reale të kontinenteve. Ajo ndryshon nga projeksioni Mercator, i përdorur prej shekujsh, i cili është krijuar kryesisht për lundrim dhe paraqet me saktësi format dhe këndet, por jo madhësinë relative të kontinenteve.
Për shkak të mënyrës se si Mercator e shfaq globin në një sipërfaqe të sheshtë, Europa dhe Amerika e Veriut duken më të mëdha, ndërsa Afrika dhe Amerika e Jugut duken më të vogla se sa janë në të vërtetë. Harta “Equal Earth” përpiqet ta korrigjojë këtë shtrembërim dhe t’i paraqesë kontinentet në përmasa më të përafërta me madhësinë e tyre reale.
Rezoluta u mbështet nga 164 vende, ndërsa SHBA votoi kundër dhe gjashtë shtete abstenuan. Megjithatë, rezoluta nuk është detyruese, por synon të inkurajojë përdorimin e hartave më të sakta në të ardhmen. Mbështetësit, veçanërisht disa vende afrikane, e konsiderojnë këtë ndryshim si një mënyrë për të korrigjuar perceptimin e gabuar për madhësinë e Afrikës në hartat tradicionale