Loredana Brati ka vendosur të flasë më hapur për marrëdhëniet dhe qëndrimet e saj ndaj disa prej personazheve më të komentuar të showbiz-it shqiptar. E ftuar në emisionin “Kampionët e Botës” në Tv Klan, modelja u përball me një sfidë ku duhej të zgjidhte personin që do të ishte “titullar në fushë”, atë që do të merrte një mundësi të dytë dhe atë që do të përjashtohej nga jeta e saj.
Pa shumë hezitim, Loredana zgjodhi këngëtarin Don Xhon si të preferuarin e saj, duke u shprehur se e ka shumë për zemër dhe se publikimi i albumit të tij të fundit e ka bërë edhe më të veçantë për të.
Për një rikthim apo një shans të dytë, ajo përmendi Joz Markun, duke lënë të kuptohet se pavarësisht çdo situate, marrëdhëniet mund të rregullohen dhe mund të ketë gjithmonë hapësirë për një tjetër mundësi.
Ndërsa zgjedhja më e fortë erdhi kur u pyet se kë do të linte në tribunë, pra kë e kishte përjashtuar nga jeta e saj. Loredana përmendi Gjestin, duke sqaruar se ky vendim lidhet me thashethemet dhe komentet e shumta që janë përfolur kohët e fundit.
Deklarata e saj ka ngjallur menjëherë reagime në rrjet, pasi emrat e përmendur janë ndër personazhet më të komentuar dhe fansat kanë nisur të diskutojnë për raportet mes tyre.