Një lajm i bukur vjen nga familja mbretërore shqiptare. Princ Leka dhe bashkëshortja e tij, Blerta Celibashi, janë bërë prindër të një djali, duke ndarë kështu një nga momentet më të rëndësishme të jetës së tyre. Lajmi është pritur me urime të shumta nga miq, ndjekës dhe figura publike.
Ky është fëmija i parë i çiftit pas martesës së tyre, e cila u zhvillua në një ceremoni private në muajin mars të këtij viti. Pas kurorëzimit të dashurisë së tyre, ardhja në jetë e vogëlushit shënon një kapitull të ri për familjen mbretërore.
Për Princ Lekën, ky është fëmija i dytë, pasi ai është gjithashtu baba i vajzës së tij, Geraldinës, nga martesa e mëparshme me Elia Zaharian. Ndërsa për Blerta Celibashin, përvoja e mëmësisë vjen për herë të parë, duke e bërë këtë moment edhe më të veçantë.
Urime dhe mesazhe të shumta kanë vërshuar në rrjetet sociale për çiftin, ndërsa familja mbretërore feston ardhjen në jetë të anëtarit më të ri.