Një zarf i papritur që fton Sonin në një darkë private me një person misterioz ka mjaftuar që brenda kasolles të nisin aludimet e para.
Banorët, e sidomos vajzat, kanë filluar të “hetojnë” se kush mund të jetë dërguesi, duke hedhur dyshime mbi personat me të cilët Soni ka pasur më shumë afërsi kohët e fundit.
Emrat më të lakuar mes banorëve janë Adi dhe Ervini, si dy kandidatët kryesorë që mund të kenë rezervuar këtë surprizë për këngëtaren.
Megjithatë, ndërsa të gjithë po diskutojnë me kureshtje, nuk kanë munguar as batutat e Mozës. Me sportivitetin që e karakterizon, Moza ka shkaktuar të qeshura duke thënë:
“Po nuk doli njeri në atë takim, do të dal unë!”
Por, përkundër entuziazmit të të tjerëve, duket se Soni nuk e ka pritur edhe aq mirë këtë ftesë. Ajo ka shprehur rezerva të mëdha, duke deklaruar se nuk ka ndërmend të dalë në këtë takim.
Këngëtarja e ka argumentuar këtë si një lloj refuzimi, me frikën se kjo darkë mund të interpretohet ndryshe nga publiku jashtë dhe mund të keqkuptohet situata e saj.
Mbetet për t’u parë nëse Soni do të bindet nga banorët e tjerë apo nëse darka misterioze do të mbetet pa të ftuarën kryesore, duke lënë pezull kuriozitetin e madh se kush ishte në të vërtetë personi që fshihej pas atij zarfi.