Sipas psikologut dhe autorit të librit Raising Girls, Steve Biddulph, figura e tezes (ose e një “teze” domethënë një personi të besueshëm për vajzën, jo domosdoshmërisht fisnik) ka një rëndësi të madhe në formimin e adoleshentes sidomos në atë fazë kur vajzat mund të jenë më pak të prira të dëgjojnë këshillat e nënës.
Biddulph thekson që teza mund të veprojë si “kolonë e shëndetit mendor” për vajzën, duke ofruar një hapësirë ku ajo ndjehet e lirë të flasë për marrëdhënie, zgjedhje jete, dhe sfida të ndryshme pa të njëjtën ngarkesë emocionale që mund të ketë marrëdhënia prind-vajzë.
Kur të ndërtohet ky raport?
Eksperti sugjeron të nisë ndërveprimi ndërmjet vajzës dhe tezes rreth moshës 8 vjeç dhe të ruhet përmes aktiviteteve rregullta së bashku. Në këtë mënyrë, vajza ka prej herët një burim mbështetës jashtë rrethit të ngushtë të prindërve.
Përfitimet kryesore
Tezja ofron një perspektivë tjetër për vajzën, që nuk vjen me presionin ose pritshmëritë që mund të sjellë prindërimi. Me këtë marrëdhënie, vajza ka më shumë mundësi të ndjejë se ka me kë të flasë për temat e veta dhe ndoshta të shmangë përcaktimin vetëm nga grupet shoqërore ose presioni i mediave sociale.
Për nënat, kjo nuk zëvendëson rolin e tyre por përforcon rrjetin mbështetës për vajzën, duke qënë se adoleshenca mund të jetë periudhë me sfida të reja. Në praktikë, kjo nënkupton që Mamatë mund të inkurajojnë vajzën të ndërtojë një lidhje të fortë me tezen (ose me figurën e besueshme jashtë familjes) që të jetë model dhe shoqëruese. Tezet të cilat mund të jenë motra, kunata, shoqe e afërt e familjes të jenë të pritshme, të disponueshme dhe të përkushtuara për kontakt të rregullt me vajzën.
Të organizohen aktivitete së bashku biseda, shëtitje, hobi i përbashkët për të krijuar ambient ku vajza ndjehet e sigurt dhe e vlerësuar.