Këtë të martë, 4 nëntor, kryeministri Edi Rama e ka nisur me një lajm të mirë për pensionsitët.
“Ky mandat do të jetë mandati i rritjes së përvitshme të pensioneve. Është pjesa më e vështirë e pjesës financiare të një vendi”, deklaroi ai në krye të herës.
“Më në fund, pikërisht se nuk jemi më ai vendi që mezi mbahemi në këmbë, por jemi një vend me një ekonomi të qëndrueshme që rritet çdo vit, mund ta bëjmë atë për të cilën u zotuam”, shtoi kryeministri.
“Të arrijmë vit pas viti të rrisim pensionet sipas kategorive. Kështu pensionistët tanë përveç bonusit të fundvitit, duke filluar nga janari do të kenë një rritje tanimë të shtrirë muaj për muaj, për mbi indeksimin e përvitshëm natyrisht”, njoftoi Rama.
Konkretisht, sipas kategorive, në fund të mandatit synohet që pensionet të rriten si më poshtë:
Pensioni urban me vite të plota pune, 40 mijë lekë të rinj nga 27 mijë që është sot
Pensioni urban i pjesshëm: 22 mijë lekë të rinj nga 15 mijë që është sot
Pensioni rural: 18 mijë lekë të rinj nga 11 mijë që është sot
Pensioni familjar: 18 mijë lekë të rinj nga 11 që është sot
Pensioni i invaliditetit: 30 mijë lekë të rinj nga 20 mijë që është sot
Projekt-buxheti 2026 i përcillet Parlamentit
Kujtojmë se pasditen e djeshme, 3 nëntor, Këshilli i Ministrave ka miratuar projekt-buxhetin për vitin e ardhshëm, i cili tanimë pritet të marrë dritën jeshile në Kuvend.
Në deklaratë për mediat, kreu i grupit të PS-së, Taulant Balla tha se buxheti duhet miratuar jo përtej 15 ditëve të para të muajit dhjetor.
“Ligji në vetvete përcakton afatet, Rregullorja ka po ashtu një nen të posaçëm. Eksperienca dhe tradita parlamentare e do që këtë muaj, objekti kryesor i punës së Kuvendit është vetëm buxheti, që do të thotë se nisur dhe nga nevoja që kanë që këshillat bashkiakë, bashkitë të miratojnë buxhetet e tyre para 31 dhjetorit, na duhet që me punë intensive, 30-40 ditë, siç është tradita parlamentare ne ta mbyllim buxhetin. Qëllimi është që brenda 15 ditëshit të parë të dhjetorit, të përmbyllet, duhet të përmbyllet”, deklaroi Balla të hënën pas mbledhjes së grupit…
Bonusi i fundvitit
Ndërkohë, është miratuar bonusi i fundvitit për pensionistët.https://www.youtube.com/embed/mftsrfSM924?si=eSfKugGq_hFu9IlG
Komisioni parlamentar i Ekonomisë dhe Financave e miratoi dje, 3 nëntor, aktin normativ për rishikimin e buxhetit të këtij viti, që përfshin edhe fondin për bonusin e pensionistëve dhe shpërblimin për punonjësit e zjarrfikësve. Në total, janë parashikuar 97 milionë euro për pagesat e fundvitit, një shumë që përkon me nivelin e një viti më parë.
Ministri i Financave, Petrit Malaj, duke mbrojtur aktin normativ, bëri të ditur edhe shumën që do të marrë secili pensionist…