Ish-finalisti i Big Brother VIP 3 Albania, Meriton Mjekiqi, ishte i ftuar sot në emisionin “Goca dhe Gra” në Top Channel, ku nuk pranoi të komentonte marrëdhënien e tij të kaluar me Ilnisa Agollin.
Gjatë transmetimit, nuk vonoi reagimi i gazetares Ilnisa Agolli, e cila në një Instagram Story shkroi: “Ëndrrat e një nate vere, nuk zgjasin netëve të dimrit”. Postimi i saj tërhoqi menjëherë vëmendjen e publikut dhe solli spekulime të reja për marrëdhënien e ish-banorëve.
Pasi u vërejt reagimi i saj, gazetarja u telefonua nga moderatoret e “Goca dhe Gra”, ku sqaroi qëllimin e postimit:
“Përpara se të vija te Sara, pas një dite të ngarkuar, nuk mund ta mbyllja të martën pa ju parë juve. Ju rrotulloheni drejt dashurisë, tani ju pashë. Po kënaqesha. Fjala nuk i rri të gjithëve në gojë dhe nuk zë vend të gjithë.
Më vjen mirë, për herë të parë nuk isha subjekt i një teme që nga portalet fryhet dhe kamuflohet. Është një raport që ka përfunduar para një viti. Ky statusi ishte fare i qartë që historia ka përfunduar, nuk ka nevojë për koment”-tha Ilnisa.
E pyetur nëse është penduar për lidhjen, Ilnisa tha: “nuk shquhem si njeri që pendohem”.