Avokati Cedomir Stojkoviq foli nga Beogradi në “Balkan Talks” lidhur me situatën komplekse në Serbi ku protesat po vazhdojnë nga studentët dhe qytetarët përpara ndërtesës qeveritare.
Stojkoviq shpjegoi rëndësinë që kanë këto protesta ndryshe nga herët e tjera pasi pesha e tyre mund të sjellë në një rrëzim të mundshëm të presidentit Aleksandar Vuçiq.
Kjo gjë, sipas avokatit mund të ndodhë në vjeshtë pasi tani bie intensiteti i protestave.
“Që nga fillimi i sistemit multipartiak në Serbi kemi një situatë që kur vera afron, fuqia e protestave bie. Tani protestat në Beograd kanë rënë dhe njerëzit nuk janë shumë të përfshirë në politikë. Kur bëhet fjalë për protestën e studentëve, ajo ka pasur ndikim, dhe mendoj se në fund të verës dhe në fillim të vjeshtës ajo do të arrijë pikun. Mendoj se atëherë do të kemi protestat më të mëdha”, tha Stojkoviq.
Ndryshe, presidenti serb nuk ka plotësuar asnjë nga kërkesat e studentëve sepse dihet se një nga kërkesat kryesore është të pasurit një sistem normal pa korrupsion.
Baza e protestës është korrupsioni qeveritar dhe qeveria këtë nuk e ka plotësuar.
Raportohet se Vuçiq po përpiqet për të ‘shuar’ protestat sepse ai e di se këto forma të shprehjes së pakënaqësisë kanë kapacitetin për ta rrëzuar atë.
“Në gjykimin tim kjo gjë do të ndodhë në vjeshtë”, tha Stojkoviq.