Në emisionin “Live from Tirana”, ishte i ftuar Mario, vëllai i Julian Dedës, ku ndau pikëpamjet e tij mbi sjelljen e Julit në lojë.
Diskutimi i mbrëmjes së kaluar përqendrohej tek dinamika e ndërlikuar mes Romeo-s, Heidi-s dhe Julit, të cilët duket se nuk janë në marrëdhënie të mira mes tyre. Mario si e interpreton këtë situatë?
Mendoj që u demaskua loja “sikur jemi të ndarë” e çiftit. Romeo dhe Heidi kanë një raport të mirë pavarësisht se kanë luhatje sentimentale, është pak e ngatërruar por ata të dy e shohin këtë opsion si as nën mëngë edhe për lojën. Është një element që heq një barrë, shton vëmendje, shtohet audienca. Juli me të drejtë si lojtar duke e parë pak më ftohtë këtë gjë është marrë me të dy, është normale që edhe ngacmon.
Si po i duket Marios loja e Julit deri tani?
Besoj se Juli është shumë i ekuilibruar, matet mirë kur merr përsipër të bëjë një skenë lojë apo një diskutim. Ai i llogarit më mirë se ne që e shohim jashtë, ka mendje goxha të kthjellët. Nuk e prisja sepse kam vite që nuk jetoj me të, tani po jam duke jetuar me të.(qesh) Nuk e kam ditur që numëron kaq shumë, po më befason ose e kam unë problemin se jam vëllai i vogël dhe ma mbyll kollaj gojën duke më drejtuar gishtin e duke më thënë ‘pusho’.
Nëse do e kishte përballë Julin, çfarë do e këshillonte Mario?
Nuk mendoj se ai ka nevojë për këshilla, besoj se ai di gjëra më shumë se ne që jemi jashtë. Thjesht do i thoja që ti e di më mirë se ne dhe mbi të gjitha do i jepja kurajo në mënyrat më të forta të mundshme.
Burimi i artikullit: https://www.topalbaniaradio.com/v7/live-from-tirana/
Burimi i fotos: