Graciela, një zë i bukur në skenën muzikore, ndan me ne pasionin e saj për muzikën dhe vizionin për artin në një intervistë eksluzive per Faber Media.
Në pyetjen e parë, ajo shpalosë rrënjët e pasionit të saj për muzikën, duke rrëfyer se si ka filluar kjo dashuri e thellë për tingujt. “Nuk është se jam inspiruar konkretisht nga dikush, thjeshtë më pëlqenin kur isha e vogël, shikoja këto programet televizive që kishin të bënin me muzikën edhe kështu erdhi edhe pasioni për muzikën,” tregon ajo.
Në vazhdim, Graciela reflekton në lidhje me sakrificat për karrierën e saj të muzikës, duke sjellë një perspektivë tërësisht ndryshe nga pritshmëritë. “Deri më tani akoma nuk kam bërë ndonjë sakrificë me thënë të drejtën,” thotë ajo. Kjo përvojë e saj tregon se në rrugën e saj të artit, ka arritur të ndjekë pasionin e saj pa humbur asgjë të çmuar nga jeta personale.
Përtej muzikës, ajo ndalet te arti në përgjithësi, duke treguar se nëse nuk do të ishte këngëtare, do të gjehej shumë pranë botës së artit. “Nëse nuk do të isha marrë me muzikë, çfarë ka të bëjë më artin mendoj që e bëj shumë mirë,” thotë Graciela.
Një prej sfidave për artistët është ruajtja e balancës midis jetës profesionale dhe jetës personale. Graciela ndan se kjo nuk është e lehtë, por ndihma e prindërve i ka lejuar të menaxhojë këtë sfidë. “Është pak e vështirë që ti mbash të dyja, por unë kam ndihmën e prindërve kështu që arrij që ta menaxhojë pak mirë këtë pjesë,” tregon ajo.
Në përfundim, kur pyetet nëse ka arritur të realizojë ëndrrën e saj, Graciela përgjigjet me një shkëlqim të lehtë në zërin e saj: “Besoj, deri diku.” Kjo fjalë reflekton një udhëtim të vazhdueshëm drejt arritjes së ëndrrave të saj, duke e bërë atë një figurë tërheqëse për ata që ndjekin pasionin e tyre.
Në këtë intervistë, Graciela shpalosë pasionin, vizionin dhe përkushtimin e saj ndaj muzikës dhe artit në mënyrë që frymëzon dhe inkurajon të tjerët të ndjekin ëndrrat e tyre, duke shpalosur se si talenti dhe përkushtimi mund të çojnë në arritje të mëdha, edhe nëpërmjet sfidave që jeta i sjell përpara nesh.