Fansat e grupit legjendar RBD mund të kenë një arsye të fortë për t’u emocionuar! Një surprizë e mundshme po qarkullon në rrjetet sociale, ku përflitet se tri prej ish-anëtareve të grupit, Anahí, Dulce María dhe Maite Perroni, mund të shfaqen si të ftuara speciale në koncertin e fundit të Karol G në Mexico City.
Sipas këtyre thashethemeve, këngëtaret mund të ngjiten së bashku në skenë për të interpretuar disa prej hiteve më të njohura të RBD, grupit që la gjurmë te miliona fansa në mbarë botën.
Një skenar i tillë do të shënonte një moment të veçantë për publikun, duke rikthyer në skenë muzikën dhe nostalgjinë e një prej fenomeneve më të mëdha të muzikës latine.
