Një tjetër përplasje ka shpërthyer në showbizin shqiptar, këtë herë mes aktorit Zebërvoki dhe këngëtarit Luiz Ejlli. Aktori ka reaguar publikisht duke zbuluar se është bllokuar në rrjetet sociale nga artisti, një veprim që sipas tij erdhi pa asnjë arsye të fortë.
Sipas Zebërvokit, gjithçka nisi pasi ai përmendi emrin e Luizit në një kontekst që lidhej me një projekt filmik ku këngëtari është përfshirë. Ai thekson se përmendja ka qenë pa asnjë qëllim negativ, por reagimi që pasoi, sidomos nga fansat e këngëtarit, ishte i menjëhershëm.
“Mora bllok nga një që po bën film. E përmenda njëherë pa të keq dhe më sulmuan fansat e tij”, është shprehur ai.
“Ka ego të sëmurë”
Aktori nuk i kurseu as kritikat ndaj Luizit, duke lënë të kuptohet se këngëtari po përpiqet të arrijë rekorde të reja suksesi me çdo kusht.
Ai deklaroi se i uron sukses, por shtoi se sipas tij, pas gjithë kësaj qëndron një “ego e sëmurë”.
Zebërvoki theksoi gjithashtu se nuk e kupton pse po bëhen krahasime mes tyre, duke nënvizuar se rrugëtimi i tij në karrierë ka qenë pa mbështetje financiare apo marketing të madh.
“Unë jam ndërtuar nga hiçi”
Në reagimin e tij, aktori tha se ai ka arritur gjithçka vetë, pa ndihmë dhe pa promovim të fuqishëm, duke shtuar se nuk e sheh të drejtë krahasimin me këngëtarin.
Sipas tij, përplasja është e pakuptimtë, pasi vetëm pak javë më parë ata ishin takuar dhe kishin komunikuar normalisht.