Sado klishe mund të të tingëllojë, përpara se t’i futesh një marrëdhënieje sigurohu të punosh me veten. Kjo, jo domosdoshmërisht lidhet me të pasurit një profesion të mirë prej të cilit arrin të sigurosh të ardhura të konsiderueshme. Sa më mirë ta njohësh veten dhe kufijtë e tu, aq më qartë do të dish çfarë meriton dhe çfarë nuk duhet të tolerosh, si nga vetja, ashtu edhe nga partneri/ja yt/e.
Ja pesë sjellje të cilat do të të kursejnë shumë strese, gjatë situatave të pakëndshme në martesë.
1. Kupto për çfarë je përgjegjës
Nëse partneri/ja yt/e nuk ndihet i/e plotësuar për arsye të ndryshme, është e rëndësishme të kuptosh se kjo nuk është automatikisht përgjegjësia jote. Sidomos në fillim të një marrëdhënieje, shpesh lind dëshira për të qenë personi që rregullon gjithçka dhe që i jep zgjidhje çdo shqetësimi të tjetrit. Por, duhet ta kesh të qartë se kjo nuk është domosdoshmërisht detyra jote. Mos lejo që ndjenja e fajit të të rëndojë për gjëra që i përkasin më shumë botës së brendshme të partnerit/es dhe që nuk janë nën kontrollin tënd.
2. Qëndroji besnik/e interesave të tua
Ky është një ndër efektet që marrëdhëniet kanë. Të izolojnë brenda një zone rehatie, aq sa për një arsye apo një tjetër zgjedhim të mos e rrezikojmë atë për asgjë në botë. Është e rëndësishme të mos harrosh hobit e tua, fundja edhe përpara se të lidheshe ato ishin të vetmet që të motivonin.
3. Ji i vetëdijshëm për nevojat e tua dhe mos hezito t’i kërkosh ato
Nëse partneri/ja plotëson një pjesë të mirë të nevojave të tua atëherë urime, por hera-herës është e nevojshme që këtë t’ia mundësoni vetë vetes suaj. Kur nevojat e tua plotësohen, ndjenja e kënaqësisë në marrëdhënie rritet dhe gjithçka duket sikur funksionon më së miri.
4. Mëso të thuash e dëgjosh fjalën “jo”
Ka shumë mënyra për ta refuzuar një kërkesë të partnerit/es pa qenë i/e pasjellshme. Por, të njëjtin mirëkuptim duhet të tregosh edhe kur të marrësh një “jo” të sjellshme prej tij/saj.
5. Mos ki frikë të tregosh ndjeshmëri
Brenda një marrëdhënieje, një prej jush është gjithmonë “shtylla”, ai supi ku mund të mbështetesh gjithmonë, kjo pasi arrin të menaxhojë më së miri emocionet. Kupto që të qenit i/e fortë nuk është gjithmonë përgjegjësia e njërit prej jush. Shfaqi frikërat e tua pa asnjë hezitim atëherë kur ndien nevojën ta bësh.