Një studim i Universitetit të Cambridge, ka zbuluar se truri i njeriut nga mosha 9 vjeç deri në 32 është në një adoleshencë të gjatë dhe më pas nis faza adulte, që është faza më e gjatë e jetës.
Truri i njeriut ka 5 mosha, secila prej të cilave e karakterizuar nga ndryshime të rëndësishme. Gjatë tyre, lidhjet mes neuroneve ridizenjohen, në kuadër të rritjes dhe funksionimit të një prej organeve më komplekse.
Kështu, fëmijëria e trurit mbyllet në moshën 9 vjeç, kur verifikohet ndryshimi i parë radikal, për t’i lënë vendin një adoleshence të gjatë, që arrin deri në 32 vjeç, kur shënon hyrjen në moshën adulte.
Gjatë kësaj faze kaq të gjatë, lënda e bardhë vijon të rritet në volum dhe rrjetet e komunikimeve cerebrale të riorganizohen e të rafinohen.
Gjithashtu, është gjatë kësaj kohe që lidhjet bëhen më të shpejta dhe efikase, duke përmirësuar reagimet dhe aftësitë, duke shënuar pikën kulmore të ndryshimeve në gjithë harkun kohor të jetës, veçanërisht në moshën 30–32.
Pas moshës 32, nisin ndryshimet drejtuese dhe shënohet fillimi i epokës më të gjatë të jetës, atë të moshës adulte, kur arkitektura cerebrale stabilizohet në krahasim me fazat pararendëse. Kjo fazë mund të etiketohet si ajo e inteligjencës dhe personalitetit, e cila pasohet me dy ndryshime të tjera, në moshën 66 dhe 83 vjeç.
Studimi mban firmën e Universitetit Cambridge dhe është publikuar në revistën shkencore Nature Communication.