Procesi i humbjes së peshës shpesh nuk është vetëm “haje më pak dhe lëviz më shumë”. Sipas Dr. Siwak, eksperte në endokrinologji dhe metabolizëm, trupi ynë ka një mekanizëm të natyrshëm, të quajtur “lipo-stat”, i ndërtuar për të mbrojtur rezervat e yndyrës — një mekanizëm mbijetese i lashtë që sot mund të punojë kundër nesh.
Ky sistem reagon ndaj humbjes së peshës duke ulë nivelin e hormonit leptin, i cili sinjalizon trurit se trupi është i uritur. Si rezultat:
- Rritet ndjenja e urisë
- Ngadalësohet metabolizmi
- Humbja e peshës bëhet më e vështirë
“Trupi e sheh humbjen e peshës si një kërcënim,” shpjegon Dr. Siwak. “Është arsyeja pse shumë njerëz përjetojnë ndalesa ose rikthim të kilogramëve.” Ajo e përshkruan sistemin si një termostat: edhe nëse e ulni ‘temperaturën’ (peshën), trupi do ta kthejë sërish në nivelin e mëparshëm.
Përveç biologjisë, faktorë të tjerë ndikojnë fuqishëm:
- Mungesa e gjumit
- Stresi dhe zakonet emocionale
- Oraret e parregullta të punës
- Medikamentet
- Gjenetika (deri 70% e BMI-së mund të jetë e trashëguar)
Mesazhi i Dr. Siwak për ata që luftojnë me peshën: fokus në qasje afatgjatë, ushqim të ekuilibruar, aktivitet të rregullt fizik dhe mbi të gjitha, mirëkuptim ndaj vetes.