Sipas një studimi shkencor bazuar në raportin e artë grek të Bukurisë, Phi, Anya Taylor-Joy është shpallur femra më e bukur në botë. Tiparet e fytyrës së aktores së “Queen’s Gambit” u analizuan dhe dolën 94.66 për qind në përputhje me raportin e artë grek të Bukurisë Phi, duke e pozicionuar atë në vendin e parë. Zendaya dhe Bella Hadid zunë vendet e dyta dhe të treta, me përqindje respektive 94.37 dhe 94.35 për qind.
Këto matje u realizuan duke përdorur teknika të kompjuterizuara të hartës së fytyrës, të zhvilluara nga kirurgu kozmetik i fytyrës në Harley Street, Dr. Julian De Silva. Ai shpjegoi se Taylor-Joy, 28 vjeç, ishte “fituesja e qartë” në këtë vlerësim.
Dr. De Silva, drejtues i Qendrës për Kirurgji të Avancuara Kozmetike dhe Plastike të Fytyrës në Londër, deklaroi: “Anya Taylor-Joy ishte fituesja e qartë kur u matën të gjithë elementët e fytyrës për përsosmërinë fizike.”
Bella Hadid u rendit e treta, duke marrë pikët më të larta për formën e mjekrës së saj dhe rezultate të larta në shumicën e tipareve të fytyrës, përveç zonës së vetullave. Margot Robbie zuri vendin e katërt, duke marrë rezultate të mira në të gjitha kategoritë, përveç zonës së vetullave.
