Kylian Mbappe, kapiteni i ekipit kombëtar francez të futbollit, ka bërë një thirrje të fortë për francezët para ndeshjes së tyre të çerekfinaleve të Euro 2024 kundër Portugalisë, duke shprehur qëndrimin e tij në lidhje me zgjedhjet politike në Francë.
Mbappe, një figurë e shquar në futbollin ndërkombëtar, ka kritikuar fitoren e partisë së djathtë ekstreme të Marine Le Pen në raundin e parë të zgjedhjeve parlamentare. Ai ka apeluar që francezët të mos japin votën e tyre për Tubimin Kombëtar, duke e cilësuar si një rrezik të vërtetë për vendin.
“Sinqerisht mendoj se është koha për ne të bëjmë ndryshim nëpërmjet votës. Nuk mund të lejojmë vendin tonë në duart e këtyre njerëzve, kjo është e rëndësishme”, tha Mbappe.
Sulmuesi i njohur francez ka qenë një ndër lojtarët që aktivisht kanë përkrahur thirrjet kundër ekstremizmit të djathtë në politikën franceze, duke përfshirë edhe votuesit e rinj në këtë angazhim.
“Ne jemi brezi që mund të ndryshojmë gjërat. Shohim që ekstremet po krijonin një kërcënim për të ardhmen tonë, dhe ne si të rinj kemi detyrimin dhe mundësinë të ndërhyjmë për të formuar një të ardhme më të mirë për vendin tonë”, theksoi Mbappe.