Lidhja midis maceve të zeza, fatit të keq dhe të keqes ka ekzistuar me shekuj. Por si lindi një nocion i tillë? Sidomos pasi macet dikur ishin shumë të nderuara. Mbi 5000 vjet më parë, egjiptianët e lashtë adhuronin macet dhe dëmtimi i tyre mund të çonte në vdekje.
Pikëpamja negative e maceve të zeza mund të gjurmohet në Evropë gjatë Mesjetës. Gjatë kësaj kohe, gratë e moshuara të akuzuara për magji shpesh kishin mace, të cilat më pas u bënë edhe objektiva dyshimi.
Një histori folklorike e mesit të shekullit të 16-të kontribuoi në këto besime. Sipas legjendës, baba e bir po udhëtonin në një natë pa hënë, kur një mace e zezë kaloi rrugën e tyre. Ata kanë gjuajtur me gurë macen duke e plagosur. Macja çaloi në shtëpinë e një gruaje që besohej se ishte një shtrigë. Të nesërmen, gruaja u pa e mavijosur dhe çalë, duke çuar në besimin se shtrigat mund të shndërroheshin në mace të zeza gjatë natës.
Ky bestytni u bart në Amerikë gjatë gjyqeve të shtrigave në Salem, duke i lidhur macet e zeza me të keqen dhe fatin e keq. Pavarësisht se është thjesht një bestytni, shumë njerëz ende e mbajnë këtë besim.
Megjithatë, nuk është gjithçka keq për macet e zeza. Në disa pjesë të botës, ato shihen si simbole të fatit dhe suksesit. Në Skoci, Britani të Madhe, Japoni dhe Rusi, macet e zeza shpesh konsiderohen pozitivisht.
Burimi i artikullit: https://www.wonderopolis.org/wonder/do-black-cats-bring-bad-luck#:~:text=Most%20experts%20trace%20superstitions%20about,reason%20to%20believe%20the%20ideas.
Burimi i fotos: https://www.pexels.com/photo/black-cat-walking-on-road-1510543/