Ilnisa Agolli është larguar nga “BBV3”, një ndër formatet më të ndjekura, dhe së fundmi ishte e ftuar në emisionin “Fan Club” ku ndau përvojat e saj nga kjo përvojë. Brenda shtëpisë, ajo zhvilloi një marrëdhënie romantike me Meritonin, i cili, pavarësisht premtimit për të larguar nga gara nëse Ilnisa do të eliminohej, vazhdon të jetë pjesë e saj.
Gjatë intervistës, u ngrit edhe çështja e mundësisë së kryerjes së marrëdhënieve seksuale mes tyre brenda programit, çështje të cilën Ilnisa as e mohoi dhe as e konfirmoi hapur. Ndërkohë, aktorja Ema Andrea reagoi ndaj kësaj duke bërë një postim në Instastory që i referohej Kodit Penal, i cili përcakton se kryerja e marrëdhënieve seksuale në vende publike ose të ekspozuara ndaj syve të publikut mund të sjellë dënime me gjobë ose burgim deri në një vit.
Burimi i artikullit: https://www.instagram.com/emaandrea_official/
Burimi i fotos: https://www.instagram.com/emaandrea_official/