Kirurgjia e trurit mund të përmirësohet me ndihmën e inteligjencës artificiale

Në një hap të rëndësishëm për teknologjinë mjekësore, operacioni i trurit i ndihmuar nga inteligjenca artificiale mund të bëhet realitet brenda dy viteve të ardhshme, duke premtuar procedura më të sigurta dhe më të sakta. Kjo qasje inovative, e zhvilluar në University College London, tashmë po ndihmon kirurgët praktikantë në zotërimin e operacioneve të ndërlikuara të trurit.
Tipari kryesor i sistemit AI është aftësia e tij për të identifikuar tumoret e vegjël dhe strukturat kritike si enët e gjakut në tru. Kirurgjia e trurit kërkon saktësi ekstreme, pasi një gabim i lehtë mund të jetë fatal. Mbrojtja e gjëndrrës së hipofizës, përafërsisht e madhësisë së rrushit dhe përgjegjëse për rregullimin e hormoneve, është me rëndësi të madhe në operacione të tilla.
Sistemi i AI ka avancuar me shpejtësi duke analizuar mbi 200 video të operacioneve të hipofizës në vetëm 10 muaj, që barazohet me përvojën e një dekade për një kirurg.
Dr. Nicola Newell, një praktikante, e sheh sistemin e AI shumë të dobishme në praktikën e saj. Ai e ndihmon atë në orientimin gjatë operacioneve simuluese dhe ofron udhëzime për hapat dhe fazat e ardhshme në procedurë.

Burimi i lajmit: https://www.bbc.com/news/health-66921926
Burimi i fotos: https://www.freepik.com/free-photo/ai-cloud-concept-with-robot-arm_32471126.htm#query=AI&position=1&from_view=search&track=sph