Kryeministri Edi Rama ka përfaqësuar Shqipërinë si kryetar në mbledhjen e Këshillit të Sigurimit të OKB-së. Kjo është një ngjarje e rëndësishme për Shqipërinë në lidhje me historinë e marrëdhënieve tona ndërkombëtare. Por gjatë nisjes së proçedurës ka pasur një përplasje me ambasadorin rus. Përfaqësuesi rus, Vasily Nebenzya iu drejtua Ramës duke i thënë se në mbledhje luan rolin e kreut të Këshillit të Sigurimit dhe jo ate të kryeministrit shqipëtar, ndaj i kërkoi të përmbahet nga vlerësimet politike. Rama nga ana tjetër, u shpreh se përfaqësuesi i Rusisë po provokonte dhe po fliste për tema që nuk kishin lidhje me takimin.
Pjesë nga diskutimi i Ramës me Nebenzya
Nebenzya: Ju po veproni si kryetar i Këshillit të Sigurimit, nuk po flisni si përfaqësues i Shqipëris. Objektivi juaj është të zhvilloni një takim siç sanksionohet në rregullore.
Rama: Sapo ju përgjigja pasi mu drejtuat si kryeministri shqiptar dhe pasi filluat të thonit gjëra të pasakta lidhur me ate çka është proçedura këtu. Nëse nuk doni që t’ju përgjigjem si kryeministri, mos më provokoni.
Nebenzya: Zoti kryetar ju drejtohem vetëm si kryetar i Këshillit të Sigurimit, asnjëherë si kryeministër, ju lutem përmbahuni nga vlerësimet politike.
Rama: Folët për NATO-n, për faktin që Shqipëria është në NATO, për vendet që vijnë këtu, kjo nuk ka të bëjë fare me rolin tim në Këshillin e Sigurimit.
Burimi i artikullit: https://www.instagram.com/ediramaal/
Burimi i fotos: https://www.instagram.com/p/Ct9BzQOL22n/?img_index=1