Shkencëtarët thonë se njerëzit lindin vetëm me dy frikëra të lindura: frikën nga zhurmat e forta dhe frikën nga rënia. Të gjitha frikërat e tjera mësohen gjatë jetës, përmes kulturës, mjedisit dhe përvojave personale.
Sipas Psychology Today, këto dy frikëra janë të lidhura me instinktet tona mbijetese. Eksperimenti i njohur si “skaji vizual” tregoi se foshnjat, edhe pse nuk kanë mësuar ende për rrezikun, refuzojnë të kalojnë një sipërfaqe transparente që duket sikur bie në humnerë, duke provuar se frika nga lartësitë është biologjike.
Po ashtu, foshnjat reagojnë menjëherë ndaj zhurmave të forta me dridhje të trupit ose të qarë. Ky refleks, i quajtur acoustic startle reflex, është një mbrojtje automatike e trurit tonë primitive.
Frikërat e tjera, si ato nga merimangat, errësira apo të folurit në publik, krijohen më vonë nga përvojat, shembujt e të tjerëve apo kultura. Eksperimenti i famshëm “Little Albert” në shekullin XX tregoi se një fëmijë fillimisht pa frikë nga minjtë e bardhë, nisi t’i frikësohej atyre pasi i shoqëronin me zhurma të forta. Më vonë, ai i trembej edhe pa zhurma.
Pra, ndërsa lindim vetëm me dy frikëra për të na mbijetuar, pjesa tjetër e frikërave tona është e formuar nga bota rreth nesh.