Ditët e fundit, rrjetet sociale janë mbushur me spekulime se fituesi i Big Brother VIP 2, Luiz Ejlli, mund të rikthehet në shtëpinë e Big Brother VIP 5. Lajmi ka nxitur kuriozitet dhe entuziazëm të madh tek fansat, të cilët mezi presin të dinë nëse artisti do të rikthehet për të sjellë dinamika të reja brenda programit.
Megjithatë, deri tani nuk ka asnjë konfirmim zyrtar nga produksioni apo nga vetë Luiz Ejlli.
Temën e diskutuan gjatë emisionit “Shqipëria Live” moderatorja Kiara Tito dhe Sidorela Gjoni:
- Sidorela Gjoni: “Po më masakrohet telefoni me mesazhe. A do të hyjë Luizi në Big Brother?”
- Kiara Tito: “Big Brother është i paparashikueshëm. Luizi është akoma më i paparashikueshëm. As nuk përjashtohet dhe as nuk konfirmohet.”
- Sidorela Gjoni: “Luani dhe pak me titullin e filmit, ‘Loja e Fundit’, megjithëse e fundit për Luizin nuk do të thoja asnjëherë.”
- Kiara Tito: “Menduam se ishte e fundit, por…”
Rikthimi i mundshëm i Luiz Ejllit ka ndezur debate dhe spekulime mbi dinamikat që mund të krijohen brenda shtëpisë, duke marrë parasysh karakterin e tij të paparashikueshëm.
Për momentin, gjithçka mbetet në pritje, dhe fansat e Big Brother VIP 5 do të duhet të presin për një konfirmim zyrtar për të mësuar nëse Luiz do të hyjë sërish në garë.