Një studim i fundit ka ndezur diskutime serioze mbi ndikimin negativ që videove të shkurtra në rrjete sociale si TikTok, Instagram Reels dhe YouTube Shorts mund t’i bëjnë trurit tonë. Sipas hulumtimit, që përfshin rreth 100,000 persona, përdorimi intensiv i këtyre platformave lidhet me probleme të përqendrimit dhe vëmendjes.
Studiuesit argumentojnë se natyra “e menjëhershme” e videove të shkurtra krijon një cikël stimulimi që “mësyn” trurin për shpërblime të shpejta dhe të vazhdueshme. Kjo, me kalimin e kohës, mund të zvogëlojë aftësinë tonë për të qëndruar fokusuar në aktivitetet më të gjata si lexim, punë akademike apo detyra ditore.
Përveç kësaj, hulumtimi gjeti se njerëzit që shohin shumë video të shkurtra raportojnë më shpesh se kanë gjumë të çrregullt, ankth më të lartë dhe ndjenja vetmie.
Megjithatë, ekspertët që kanë kryer studimin paralajmërojnë se rezultatet nuk duhet të merren si fjalë për fjalë përfundimtare nuk është ende e qartë nëse videot e shkurtra janë shkaku kryesor i këtyre efekteve apo thjesht një pjesë e një stili jete gjithnjë e më “digjital dhe të ngarkuar”.
Këto zbulime ngrejnë pyetje të rëndësishme mbi ndikimin afatgjatë të përdorimit të platformave digjitale te shëndeti mendor, sidomos tek të rinjtë, që janë një prej grupmoshave më të ekspozuara ndaj këtyre lloj përmbajtjesh.