Influencerja dhe ish-banorja e ‘Big Brother VIP Albania’, Sara Berisha, festoi së fundmi ditëlindjen e saj, një ditë e veçantë e shoqëruar me urime të shumta nga miq, familjarë dhe ndjekës në rrjete sociale. Postimet e saj u mbushën me komente urimesh dhe mesazhe dashurie nga fansat që e ndjekin prej kohësh.
Megjithatë, ajo që ra më shumë në sy ishte heshtja e DJ PM, me të cilin Sara ka pasur një lidhje të gjatë. Ndjekësit vunë re se PM nuk publikoi asnjë urim për Sarën, një detaj që menjëherë ndezi thashethemet rreth marrëdhënies së tyre.
Në të njëjtën kohë, DJ PM ndau në Instastory disa foto nga udhëtimi i tij në Amsterdam, duke lënë të kuptohet se ndodhej larg festimeve të ditëlindjes. Shumë ndjekës interpretuan këtë si një sinjal të mundshëm se marrëdhënia mes tyre mund të ketë përfunduar.
Komentet në rrjete sociale u ndanë mes atyre që e shohin këtë si një shenjë të qartë të ndarjes dhe atyre që preferojnë të presin konfirmimin zyrtar.
Pavarësisht gjithë kësaj, Sara duket se ka zgjedhur të fokusohet tek dita e saj e veçantë dhe njerëzit që e rrethojnë, duke ndarë momente të gëzuara me fansat dhe duke falënderuar të gjithë për urimet e shumta.