Kur mendojmë për pjekurinë, shumë prej nesh besojnë se ajo vjen sapo mbushim 18 vjeç — ose maksimumi në të 20-at. Megjithatë, një studim i ri sugjeron se pjekuria e vërtetë arrin vetëm pas moshës 30 vjeçare.
Sipas hulumtimit, truri i njeriut vazhdon të zhvillohet, të formësohet dhe të forcohet deri në dekadën e tretë të jetës. Kjo do të thotë që vendimet, qëndrueshmëria emocionale dhe pjekuria sociale përforcohen me kalimin e kohës — dhe që të arrish pjekurinë e plotë, duhet të presish që të kalosh të 30-at.
“Truri, veçanërisht korteksi parafrontal, që rregullon vendimmarrjen, impulset dhe qëndrimin emocional, vazhdon të maturohet deri në moshën 30 vjeç”, shpjegon ekipi që qëndron pas studimit.
Ky zbulim hedh poshtë idenë tradicionale që pjekuria fillon që në moshën 18 vjeç dhe nxjerr në pah që procesi i rritjes vazhdon edhe shumë më gjatë. Kështu që, nëse qëndroni të paqartë, të pasigurt, ose në kërkim të vetes në të 20-at, kjo qenka tërësisht normale — pjekuria vjen me kohën.