Një zhvillim i papritur ka tronditur fansat e këngëtareve të njohura shqiptare Fifi dhe Egli, të cilat duket se janë përfshirë në një përplasje serioze që ka çuar në fshirjen e projekteve të përbashkëta nga platformat online. Ditën e djeshme, fansat vunë re se kënga “Ku je nis x Shuj Shuj”, një bashkëpunim mes Fifit, Eglit dhe DJ Gimit, është zhdukur nga YouTube dhe rrjetet sociale.
Burime pranë industrisë muzikore thonë se fshirja e këngës vjen pas një mosmarrëveshjeje të fortë mes dy këngëtareve. Sipas thashethemeve që po qarkullojnë në rrjet, Fifi ka kërkuar një përqindje më të madhe të fitimeve nga projekti, duke pretenduar se ka mbajtur peshën kryesore të punës në realizimin e tij. Kjo kërkesë mësohet se është kundërshtuar nga Egli, e cila nuk ka rënë dakord me ndarjen e re të përfitimeve.
Përplasja mes tyre duket se ka qenë e mprehtë, pasi jo vetëm që kënga është fshirë, por edhe çdo gjurmë e bashkëpunimit të tyre është larguar nga rrjetet sociale, duke shtuar dyshimet se raportet mes dy artisteve janë prishur përfundimisht.
Asnjëra prej tyre nuk ka bërë ende një deklaratë zyrtare, por fansat presin me interes të dinë nëse ky konflikt do të sheshohet, apo nëse kemi të bëjmë me fundin e një bashkëpunimi që premtonte shumë.