Projekti “Code with Pope” i sipërmarrësit polak të teknologjisë Miron Mironiuk ka marrë miratimin e Papa Françeskut. Kjo nismë synon të njohë më shumë fëmijë me programimin kompjuterik dhe të adresojë pabarazitë globale në arsim.
Programi “Code with Pope” do të ofrojë arsim falas online për kodim për studentët e moshës 11-15 vjeç në të gjithë Evropën, Afrikën dhe Amerikën Latine. Pas përfundimit të 60 orësh mësimi të dedikuar, studentët do të fitojnë një bazë në Python, një nga gjuhët më të njohura të kodimit në botë.
Në një epokë gjithnjë e më dixhitale, aftësitë e kodimit janë bërë po aq thelbësore sa leximi dhe shkrimi. Të dhënat nga Forumi Ekonomik Botëror në 2023 treguan se shumica e roleve të punës me rritje më të shpejtë janë të lidhura me teknologjinë. Megjithatë, ka një mungesë të konsiderueshme globale të aftësive teknologjike, me potencialin e 85 milionë vendeve të punës të paplotësuara deri në vitin 2030.
Kjo nismë pritet të sjellë një ndryshim, veçanërisht në vendet me të ardhura të ulëta dhe të mesme, ku shumë njerëz identifikohen si katolikë. Programi do të jetë i disponueshëm në spanjisht, anglisht, italisht dhe polonisht, duke arritur tek fëmijët në të gjithë Amerikën e Jugut (me përjashtim të Brazilit) dhe vendet anglishtfolëse në Afrikë dhe Azinë Juglindore.
Papa Françesku ka treguar më parë mbështetje për kodimin, pasi ka kontribuar në një nismë të OKB-së në vitin 2019. Edhe pse ai mund të mos jetë ekspert kodimi, miratimi i tij pritet të inkurajojë fëmijët në vendet katolike që të mesojnë programimin.
Burimi i lajmit: https://www.bbc.com/news/technology-67209806
Burim i fotos: https://www.instagram.com/p/CyQgDnkMEub/?igshid=MzRlODBiNWFlZA==