Fotografitë e para shpesh përshkruajnë të rritur dhe fëmijë që duken seriozë dhe jo të buzëqeshur. Kjo mund të shihet edhe në fotot e dasmave dhe festimeve ku prisni lumturi dhe gëzim. Këtë do ta vini re më së shumti në portretet e realizuara në fund të shekullit të 18-të dhe përgjatë shekullit të 19-të. Por pse njerëzit nuk buzëqeshnin para kamerës? Ka shumë teori dhe mendime se pse njerëzve u mungojnë shprehjet e gëzimit në foto. Në këtë artikull, ne do të shikojmë historinë e fotografisë dhe traditat rreth portretit. Një nga arsyet është se fotot dikur kërkonin shumë kohë për t’u ekspozuar. Kamerat e para nuk ishin aq të menjëhershme sa bërja e një fotoje në telefonin tuaj sot. Fotove iu deshin kohë për t’u shkrepur, që do të thotë se subjekti duhej të qëndronte i palëvizur për një kohë të gjatë. Mesatarisht, kamerave të para iu deshën rreth 20 minuta për të bërë një foto. Subjekti duhej të qëndronte sa më i palëvizshëm për të marrë foton më cilësore. Prandaj, të ulesh me një fytyrë të pa buzeqeshur në vend që të mbash një buzëqeshje për 20 minuta ishte më e lehtë.
Burimi i artikullit: https://www.thefactsite.com/why-nobody-smiles-old-photos/
Burimi i fotos: https://www.freepik.com/free-photo/people-looking-picture-album_29794254.htm#query=Old%20Photos&position=17&from_view=search&track=ais