I ftuar në emisionin e sotëm të “Big Brother Radio” në Top Albania Radio me Elona Duro ka qenë Xum Allushi. Ai është një personazh i njohur publik për shikueshmërinë e tij në rrjete sociale, falë videove humoristike që bën ndër vite. Gjithashtu, Xumi ishte pjesë e edicionit të katërt të “Big Brother VIP Albania”, por që rrugëtimi i tij u mbyll të martën, falë nominimit kokë më kokë me Eglin.
Në shtëpinë e Big Brother VIP, marrëdhënia mes Xumit dhe Eglit ishte ndër më të komentuarat nga publiku. Që nga fillimi, ata u afruan si miq, por shpejt u kuptua se mes tyre kishte një kimi të veçantë. Më saktë, ishte Xumi ai që shprehu pëlqim ndaj Eglit, ndërsa kjo e fundit u shpreh gjatë ditëve të fundit se nuk donte të zhvillonte më tej diçka romantike me të. Situata ndryshoi me hyrjen e Gjestit në lojë. Gjesti solli një energji të re në shtëpi dhe ndikoi edhe te dinamika mes Xumit dhe Eglit. Ai krijoi një raport të veçantë me Eglin, gjë që nisi të ngjallë tensione dhe paksa xhelozi mes banorëve. Prania e Gjestit dhe ndjenjat që Xumi shprehu për të, bënë që Egli t’i jepte fund këtij trekëndëshi të supozuar, ku me kutinë e Pandorës çdo dyshim mori fund.
Në lidhje me këtë, Xumi u akuzua nga Egli se po e përndiqte në shtëpi dhe e tregoi pozicionimin e saj duke ndenjur më afër Gjestit. Për të sqaruar këtë situatë, Xumi deklaroi:
E di kush është më e bukura? Që gjërat që më janë etiketuar mua, po i bën Egli vetë. E çmendi të shkretin. I shkon te krevati: ‘Çohu, pimë kafe, çohu se më ke lënë vetëm.’ Ai i thotë: ‘Dua të shkoj në banjo,’ ajo i thotë: ‘Do vij me ty’. Mos është vallë kjo një përndjekje që Egli po i bën Gjestit?
Ndoshta ajo e pëlqen vërtetë atë?
Ajo po bën përndjekje. I vetmi njeri që po bën përndjekje është Egli. Gjesti po luan, se ka mendjen fare aty.