Një tërmet masiv me magnitudë 7.7 ka goditur Myanmarin dhe ka tronditur Tajlandën, me mijëra të vdekur të dyshuar.
Shpëtuesit po luftojnë për të gjetur të mbijetuarit pasi një ndërtesë shumëkatëshe në Bangkok u shemb, duke vrarë të paktën dy punëtorë dhe duke zene nen rrenoja dhjetra te tjere.
Pamjet tronditëse treguan momentin kur ndërrtesa 30-katëshe ra në tokë – me punëtorët që ulërinin dhe shiheshin duke vrapuar për jetën e tyre në një re gërmadhash dhe pluhuri.
Ndërtesa ishte nën ndërtim në atë kohë.
Vendasit e panikuar në kryeqytetin e Tajlandës – 800 milje larg epiqendrës së tërmetit në Mianmar – u larguan nga ndërtesat kur goditën tërmetet e para.
Dhe video tregon galona uji nga pishinat në çatitë e ndërtesave luksoze që derdheshin në rrugët poshtë, ndërkohë që tërmeti tronditi qytetin.
Aeroportet në zonën e njohur për turizëm kanë pezulluar të gjitha operacionet ndërsa autoritetet po vlerësojnë shkallën e dëmit.
Kryeministrja Paetongtarn Shinawatra ka shpallur Bangkokun si një “zonë emergjence” dhe ka këshilluar të gjithë njerëzit të evakuojnë menjëherë çdo ndërtesë shumëkatëshe.
Departamenti i Parandalimit të Fatkeqësive tha se tërmeti ka prekur pothuajse çdo rajon të vendit.
Në Myanmar, është shpallur gjendja e emergjencës në gjashtë rajone, me të paktën tre persona të konfirmuar të vdekur deri tani.
