Dy vëllezër që u dënuan për vrasjen e prindërve të tyre në një rast që tronditi Amerikën më shumë se tre dekada më parë, janë një hap më pranë lirimit me kusht. Një avokat i qarkut të Los Anxhelosit ka rekomanduar që Erik dhe Lyle Menendez të dënohen nga një gjykatës sepse provat e reja meritonin një rishikim. Vrasjet e vitit 1989 të Kitty dhe Jose Menendez në rezidencën e tyre në Beverly Hills kanë mbërthyer SHBA-në prej vitesh, duke frymëzuar së fundmi një serial të njohur të Netflix.
Që vëllezërit të fitojnë lirinë e tyre, një gjyqtar duhet të pajtohet me rekomandimin dhe më pas një bord i lirimit me kusht të miratojë lirimin e tyre. Erik Menendez, 53 vjeç dhe Lyle Menendez, 56 vjeç, aktualisht po vuajnë burgim të përjetshëm pa mundësi lirimi me kusht në Kaliforni.
Rasti u përqëndrua në motivin e tyre në vrasjet, në të cilat prindërit e tyre u qëlluan 13 herë teksa shikonin televizor. “Unë besoj se vëllezërit ishin subjekt i një sasie të madhe mosfunksionimi në shtëpinë e tyre dhe ngacmimi,” tha George Gascón, prokurori i lartë i LA County, të enjten. Ai shtoi se përderisa nuk ka asnjë justifikim për vrasjen, “besoj se e kanë paguar borxhin ndaj shoqërisë”.
Gjatë gjyqeve të tyre penale në vitet 1990, prokurorët i përshkruanin vëllezërit si fëmijë të pasur që planifikonin në mënyrë metodike vrasjet për të pasur akses në pasurinë e prindërve të tyre. Por avokatët e tyre mbrojtës argumentuan se vëllezërit ishin viktima të viteve të abuzimit emocional, fizik dhe seksual dhe vepruan vetëm për vetëmbrojtje.